بسم الله الرحمن الرحيم
السلام عليكم ورحمة الله وبركاته
اخباركم ان شاء الله بخير
وهذا القصه معكم انزولو في الاسفل
اتحدى احد يقرا القصه ولا يضحك
--------------------------------------------------------------------------------
أتحدي اي واحد يقرا القصه _ولا يموت من الضحك!!!
مساكم الله بالخير
ابي اقول لكم عن قصه صارت لي وابيكم تشاركووني كل الاحاسيس البعيريه هع هع
المهم وانا في عز النوم والسعابيل الا فجأه .. رن التلفون .. وطبعا تلفوننا شايل ابوي منه كل الارقام .. موب مخلي الا رقمين التسعه والثمانيه .. يعني مالك الا تدق على الشرطه ولا الدفالمدني وغيره مافيه ... المهم اني رفعت السماعه واقول نعم .. إلا وذاك الصوت الي يرد الروح .. صوت بنت .. واخوكم اذا سمع صوت بنت اوجعه بطنه وانواع الاسهال ... وقالت الو
.. انا ماعاد عرفت وش اقول انشلت براطمي وطلعت كني ياسر عرفات .. ال ال ال ال لوووووو .. قالت .. مين معاي ..؟؟ قلت .. معاك انا .. (( صراحه جواب يدل على ذكائك ..!! )) وهي الي تضحك .. وانا قلبي احسه مووب طبيعي قالبها سامري واستنزل عندي الكبد والبنكرياس انواع الربكه .. وقالت لي .. سوسو موجوده ..؟؟ قلت لها .. ما ينفع حوحو ..؟؟ قالت مين حوحو ..؟؟ .. قلت .. هذا اسم الدلع حق الحمار الي هو انا... !! وضحكت للمره الثانيه على التوالي ..وقالت .. يؤيؤ .. شكلي غلطانه .. طيب آسفه ... قلت لها .. لاعادي.. لاشكر على واجب .. (( دايم اسمع هالكلمه .. وجالس احتري _الفرصه اني اقولها ..!! )) .. وقفلت السماعه ... : تصدقون .. مادري وش صار فيني .. حسيت بشعقريره في جسمي .. وان افرازات الخشم عندي زادت .. وان ودي اروح انبطح في الحوش واكتب قصيده هجائيه .. لايكون هذا هو الحب الي يقولون .. (( نعن ابو الحب الي تعرفه يالضفدع ..!!)) :عاد انا ماني متعود على البنات .. لان ما شاء الله بيتنا فيه خمسطعشر رجال الي هم انا واخواني وابوي وامي .. (( الله يخلف على ابوك واميمتك هذا وانت اكبر اخوانك عليه العوض ومنه العوض: )) المهم .. يعني انا واخواني ماشفنا بنت ابد .. وهذا الي سبب لنا عقده تسمى العقده الفيسلووجيه .. (( من وين جت ذي ..!! )) المهم .. اني قررت اني اتعرف على ببنات ... بس فيه مشكله وحده الي هي اني ماعندي اسلوب ابد ...(( يعني وقفت على الاسلوب .. بنعن ابوك انت عندك الف مشكله مو مشكله بس .. واهمها مشكلة وجهك الي كببنه لوحة انتبه امامك نقطة تفتيش ..!! )) الوكاد اني مالقيت قدامي الا واحد من العيال اسمه عبدوش .. معروف ان البنات ما يعوقون معاه .. وانا الي اللقط مفتاح سيارتي واروح له الوكاد .. اني رحت لعبدوووش .. وعلمته بوضعي وان امنيتي في الحياة اتعرف على بنت قبل ما اموت .. (( اخسسس يالشايب ..!! ):: فقال لي .. السالفه بسيطه .. اذا بغيت البنت تحبك حسسها انها احسن وحده في العالم ... قلت له .. يعني كيف؟..
.. يعني كيف .. يعني اقولها انتي احسن من مارادونا ...!! وهو الي يرفسني برجله في بطني .. وقال لي .. انت ثور .. وش دخل مارادونا يالغبي .. !! انا قصدي انك تحسسها بانوثتها وان مافيه بنت غيرها في العالم .. قلت له .. برضه مافهمت .. يعني تبيني اذبح كل البنات واخليها لحالها ...!! وهو الي يموه علي برجله ويمحطني بيده على جبهتي ..... وقال لي .. شوف انت حمار .. وماراح تفهم الا بالدروس العمليه ... ويطلع جواله ويدق .. وقال لي .. شوف انا هالحين باكلم وحده... وتعلم .. قلت له .. طيب ... وكلم .. وقال .. هلا حياتي هلا عمري هلا روحي .. انا لؤي حبيبك ومجنونك .. (( الحمدلله على العقل .. نعن ابوك وين لؤي معه .. والله لو اشوف وجهه في احسن الاحوال بعد ما اعطيه غير اسم جعفر .. قال ايش قال لؤي ..!! )) .. : وقام يقول لها .. احبك واموت فيك .. انا بدونك مثل البيت بدون حاره .. مثل التلفون بدون حراره .. مثل السواق بدون سياره .. انا البنزين وانتي الشراره .. انا الشارع وانتي الاناره ..انا الرومانسيه وانتي الاثاره
انا مبنى التجاره العالمي وانتي الطياره ... (( قسم بالله اني بغيت اضمه وابوسه يوم سمعت كلامه .. حسيت بشعور غريب .. نعن ابليسه لو يكلم جدار كان ذاب )) المهم .. انه خلص المكالمه .. والتفت لي .. وقال لي .. يالله دورك .. باعطيك رقم بنت وكلمها .. وقول لها نفس كلامي ... قلت له بكل خجل .. طيب .. وهو الي يدق على بنت ويعطيني الجوال عشان اكلمها ... وانا الي اقول الووووو .. ويوم سمعت صوتها ضاعت علومي .. ونسيت كل الكلام .. وقلت لها .. بابا فين ..!! وما حسيت الا بذيك الجزمه الي لازقه في مقفاي ... وقال لي .. قول نفس الكلام الي قلته يالثور ... وانا الي اقول لها ... هلا حياتي هلا روحي هلا تعالي .. وقالت .. طيب وبعدين ... قلت لها .. انا بدونك مثل الكيبورد بدون فاره .. مثل التقاطع بدون اشاره .. مثل الحمار بدون حماره ... مثل السلطه بدون خياره .. انا محترف وانتي نظام الإعاره ... انا الولاعه وانتي السجاره ... انا الددسن وانتي الغماره ... انا الصرصور وانتي البياره ... انا طوووط طوووط طوووط طوووط ... قفلت الخط في وجهي .... قال عبدوش .. وش فيك ؟؟ .. قلت له .. لا ابد الخط مشغول ...!! (( مايعررف يصرف ابد ..!! )) ومادريت الا وعبدوش مطلع لوح فيه مسامير ودبجني فيه اللين قلت للعنز ياخاله ..:
المهم .. اني رجعت للبيت ودماني تصب وماليه وجهي من كثر الطق الي جاني من عبدووش لدرجة ان الي بيشوفني ما يعرفني .. طالع كني مسابقة .. من صاحب هذه الصوره .. الي يحطونها في المجلات ... وانا الي ادخل البيت بشويش عشان مايشوفني احد .. واطلع غرفتي واسكر الباب وانام ... وفي عز النوم .. دق جرس التلفون .. وارفع السماعه .. الا هي نفس البنت الي كلمتني اول مره .. قلت .. نعم .. قالت .. سوسو موجوده ..؟؟ قلت لها .. شوفي .. بيتنا كله شباب .. ومافيه احد يبدا اسمه بحرف السين .. انا واخواني كلنا اسمنا خالد .. وما فيه الا اخوي الصغير فهد هو الي اسمه نايف ونناديه عبدالرحمن .... (( وش عنده عادل امام..!! )) والبنت كررتها ضحكه .. وقالت ما شاء الله دمك خفيف ... ((هي تحسبني استهبل مادرت اني دلخ من جد )) وقلت لها .. شكرا .. (( مسوي مؤدب ..!! ))
وسألتني البنت .. وش تسوي هاللحين ..؟؟ .. قلت لها .. والله كنت نايم ... قالت .. يؤ يؤ تنام في الليل انت ..!! .. قلت .. اجل متى انام ..؟؟ قالت .. لا انا انام في النهار واسهر في الليل ... قلت لها .. ليش الاخت بومه ..!! قالت .. لا بس الليل وقت الرومانسيه .. انت تعرف الرومانسيه ..؟؟ قلت لها .. لاوالله ما اعرف بنات انا ...!! (( مسوي فيها فاهم ..!!)) وسألتني .. انت وش اسمك ..؟؟ قلت لها مصيول قالت وش معناه .. قلت لها .. هذا اسم كلب كان عند جدي وسماني ابوي عليه لاني اشبهه .... وسألتها .. وانتي وش اسمك .. قالت .. داليدا .. قلت لها .. انا ابي اعرف اسمك مو عيارتك ...!! قالت .. هذا اسمي ..!! (( هذوللي البنات .. تسألها وش اسمك .. تقول رهف ولا شوق ولا افنان .. ولو
عذري بس انه من جنبها ..!! )) سويت فيها _اسلوب وقلت لها اني حبيت وحده بس انتهى هالحب .. لان الي حبيتها خانتني ... قالت لي .. من حبيت ..؟؟ قلت لها .. حبيت عنز جيراننا .. بس انها خانتني مع تيس سوري عشان له قذله ...!! المهم .. ان البنت قالتلي .. اوكي اكلمك بكره لان امي تناديني .. قلت مو مشكله .. وتطورت العلاقه .. وصرنا نكلم بعض كل يوم .. وانا انقلب حالي .. ولاحظوا اهلي اني تغيرت .. يعني نكون جالسين على الغدا ولا العشا وانا ما آكل .. سارح وانغف .. وبعض المرات انسى اصبعي داخل خشمي
ولاحظوا اهلي اني صرت مؤدب واقرا واجد .. وانا اقر عشان اعرف كلام جديد في الحب .. تلقاني اقرا كتب الشعر والحب والطبخ .. (( لا تستغربون لان كتب الطبخ اتعلم منها كلام حلو بعد مثل .. ياعسل , ياحليب , ياقشطه , ياكريم
كرامل ..!! )) وبرضه صرت ادخل كتب ممنوعه للبيت .. مثل كتاب .. ماذا تفعل في ليلة الدخله .. وكتاب .. سنه اولى زواج ... بس المشكله انها ضاعت هالكتب مني وصرت اروح عند بيارة جارنا الي طافحه واقعد افكر واتأمل وارمي حصى وسط البياره ....(( مسوي رومانسي .. مثل الي يجلسون على البحر ويرمون حصى ..!! )) المهم .. انه في ليله من الملاليل .. قالت لي البنت 00مصيوول.. اوصفلي شكلك ..!! ياوالله البلشه .. وش اقولها هذي هاللحين .. اقولها اني قرد .. اعترف لها بالحقيقه المره واقولها اني جدار مالي ملامح ... اعترف لها اني شبيه عبدالله سليمان((الف حمد لله وشكر ))الوكاد اني قلت في نفسي .. ياولد خلني اسوي مثل كل الشباب .. وانصب عليها يعني تلقى الواحد من الشباب شين واذا شفته في الشارع ماتدري هو رايح ولا جاي لان وجهه ماله معالم .. ولو تشوف وجهه تحسبه واحد معطيك مقفاه .. يعني مفروض يحط _لوحه على وجهه ويكتب .. ترى هذا وجهي .. عشان الناس مايلخبطون بين وجهه وقفاه .....وانا مثلكم واردى بعد .. انا اذا قابلت احد يجلس ساعه محتار وين وجهي من قفاي وما يعرف الا اذا لقى الورقه .. لان فيني ورقه مثل الي تجي في الفنايل والسراويل عشان تعرف ورى من قدام ...!! المهم .. اني قلت لها .. انا عيوني مثل عيون جواد .. وطولي مثل طلال الرشيد .. وخشمي مثل خشم خالد عبدالرحمن .. وملحي مثل ملح راشد الماجد .. ومهضوم كثير مثل رامي عياش ... (( والله ما ناقص الا تحط ملحن معاهم ويكمل الاوبريت ..!! ))
الوكاد .. ان البنت شكلها خقت معي وقامت تشاهق من الفرحه .. وسألتها انا وانتي اوصفيلي شكلك .... قالت .. ما اقدر .. لما تشوفيني بتعرف .. لان مالي شبيه .. (( اخسس يا بريتني ..!! )) .. وانا الي افك خشتي وسعابيلي تقوطر .. كني كلب شايف له عظمه ... وقلت لها .. يعني باشوفك ..؟؟ قالت .. اكيد .. انا بكره باروح شاليهات اليمامه الي على طريق الرياض الخرج .. ونتقابل هناك .. قلت لها .. بس هذيك للعوائل بس .. قالت عاد انت دبر نفسك ... قلت اوكي مو مشكله بس كيف اعرفك ... قالت بيننا الجوال .. اذا وصلت كلمني وانا اعلمك وين تلقاني .. قلت لها خلاص الوعد هناك .... المهم .. اني انا توهقت .. وش لون ادخل الشاليهات وهي للعوايل ... وقلت مالي الا عبدوش .. اتصل عليه واتفاهم معاه ... ودقيت عليه .. ورد علي وقال بعصبيه .. نعم وش تبي يالغبي ..؟؟.. وعلمته بالسالفه من سلسل اللين طقاق عليكم ..((تراني اقصد من طقطق اللين السلام عليكم بس مدلخ شوى ))وقال لي .. والله صعبه وش بتسوي .. قلت له .. وش رايك تلبس عباة وتسوي نفسك حرمه وتروح معي على انك زوجتي ... وهو الي يتغير وجهه وقال .. انا ولد ابوي .. قلت له .. بالله .. توني ادري .. كنت احسبك ولد ابوي انا ..!! قال .. تستهبل يالزبال .. انا اسوي نفسي حرمه .. ياويل ويلي ويلاااه .. خيل الخيل خيالها .. قلت له .. يارجال كلك تبن لادوس في بطنك .. جالسين في مضارب الباديه احنا ..!! .. قال لي .. لا يا مصيول هذا شي ما اقدر عليه .. وش اقول للجماعه ..؟؟ قلت له .. ومن قالك اننا بنحضر عرس .. حنا بنروح الشاليهات .. وانت ماراح تكشف وجهك ابد .. قال .. طيب ليش انت ماتسوي نفسك حرمه وانا الرجال ..!! قلت له .. ياخوي انا ما اقدر .. لاني لا رجال نافع ولا حرمه نافع .. وبعدين حتى لو غطيت وجهي بيكشفون اني ماني حرمه من ريحتي الي كنها ريحة شرابات عزوبي ... قال لي .. خلاص .. بس لاحد يدري ... قلت له .. ابشر .. بس جهز نفسك بكره بامرك ونروح ...
وأخذت سيارة واحد من العيال .. ورحت لبيت عبدوش ولقيت عند بابهم شحاده وهي الي تجي تبي تركب .. قلت لها .. الله يعطينا ويعطيك ياخاله .. وهي الي تطق قزازة السياره شوي وتكسرها .. وانا الي اطلع من جيبي ريال ونص كنت ناوي اشتري فيه توكس .. بس قلت مو خساره فيها عشان الله يوفقني .. وتوني افتح الدريشه باعطيها .. الا وهي تقول افتح الباب الله ياخذ هالراس ..... الصوت مو غريب علي ..
يوووووووه عبدوووش.. وقال .. اييه عبدوش الله لا يبارك فيك .. افتح بسرعه قبل ما يطلع احد من هلي ... وفتحت له الباب وركب .. وانطلقنا للشاليهات ... المهم وصلنا الشاليهات .... ونزلنا من السياره .. وامسك يد د٠٠زوجتي .. الي هي عبدوش سابقا ... ودفعنا التذاكر .. ويوم جينا بندخل .. وقفنا الحارس الي على الباب .. وقال .. لحظه لازم زوجتك تدخل محل تفتيش النساء لاننا شاكين فيها .. قلت له .. ليش في مطار حنا .. تراه شاليهات .. بعدين وش فيها زوجتي ... ؟؟ قال الحارس ... ياخوي وش هالحرمه الي لابسه زبيريات ....!!!!! وانا الي اناظر في ارجول عبدوش الا فعلا لابس زبيريات ..!!!! يالله لاتفضحنا بس ... وانا الي اقول للحارس ممكن تتركني معا زوجتي .. ابيها في كلمة راس .. قال لي ادخل هالغرفه الفاضيه وتفاهم معاها ... وانا الي اسحب عبدوش للغرفه .. واترفس في بطنه وانواع الاكواع .. نعن ابوك يالغبي زبيريات مره وحده ... قال .. وش اسوي مالقيت جزمه كعب على مقاسي ..... وقلت له .. اسمع نزل العباة على ارجولك عشان ماحد ينتبه يالغبي
المهم .. اننا رجعنا للحارس .. واعتذرنا منه على سوء التفاهم .. ودفيناه بمية ريال عشان يسكت ... واول مادخلنا استاجرت شاليه صغير وقلت لعبدوش يجلس فيه .. وانا باروح ادور خويتي .... وطلعت .. ودقيت جوال على خويتي .. ووصفت لي مكانها ... تقول انها عند الشجر الي جنب المطعم ... وانا الي اروح هناك .. واجلس ساعتين ادورها ومالقيتها ... وادق عليها جوال قلت لها .. وبينك فيه لي ساعتين ادورك ... قالت .. انت وينك بالظبط ؟؟؟.. قلت لها .. انا واقف جنب كيس زباله .. وانتي وينك ..؟؟ .. قالت .. انا واقفه جنب واحد شكله مجنون وعليه قل صح ... وانا الي التفت وراي .. اووب .. هذي هي .... (( افا طلعت انا المجنون الي تقصده .. وطلعت هي كيس الزباله الي اقصده ..!! ))
وهي الي تنصدم .. وقالت .. هذا انت ..!! وين الوصف الي تقول .. اجل طلال الرشيد هاه .. امحق طلال الي تشبه له انت ... (( صادتني ان عيوني مثل عيوون خالد الملا .. وجسمي مثل نبيل شعيل .. وخشمي مثل عبدالمجيد عبدالله ..!! )) .. قلت لها .. لا انا فعلا مثل ماقلت .. بس صار لي حادث هو الي اثر على وجهي .. ولا انا كنت حلو ... (( اييه هين ..!! ))
قالت .. مو مشكله اهم شي اسلوبك اعجبني .. قلت لها .. اشوى ان اعجبك شي فيني .... وطلبت منها انها توريني وجهها .. قالت .. طيب بس لا يشوفنا احد .. وانا الي اغطي عليها .. وقلت لها .. يالله بسرعه .... وهي الي ترفع الغطوه .. وانا الي اضحك ..!! قالت .. وش فيك تضحك ..؟؟ قلت لها .. يالله عاد بدون استهبال ....!! قالت .. وش فيك ؟؟ .. قلت لها .. يالله بسرعه شيلي القناع الي على وجهك لا تستهبلين ....!! وهي الي تقول .. هذا وجهي الصدقي يالقرد ... وانا الي انصدم واحس ان الارض تدور فيني ... وش ذا الوجه الشين .. اول مره اشوف وجه يطلع منه ريحه مخيسه ... نعن ابوبها حتى الشجره الي كنا واقفين جنبها رفعت ثوبها وانحاشت .. وكل ابلشجر الي كان حولنا انحاش وراح وقف في مكان ثاني بعيد من شين وجهها...!!!
وانا كنت حاط في بالي كلام رومانسي جلست عشرين يوم احفظ فيه .. عشان اذا شفتها اقوله لها .. بس يوم شفت وجهها الي كنه وجه واحد جالس في مجلس رجاجيل وفيه اسهال ... وضيعت كل الكلام الي حفظته وقمت الخبط في الكلام .... سألتها .. ليش الغمص ساكن عيونك ..؟؟ جاوبتني ..من الأرق ..!! سألتها .. طيب وش هالببسي الي مكبوب على ثوبك ..؟؟ جاوبتني .. هذا موب ببسي .. هذا مرق ..!! سألتها .. طيب ماعندك غير هالثوب ..؟؟ جاوبتني .. الا كان عندي بس انسرق ..!! سألتها .. طيب مادامك شينه وشهوله تغازلين ..؟؟ جاوبتني .. انا كنت حلوه .. بس ان وجهي انحرق ..!! وسألتني .. وش رايك فيني .. ما اشبه باسكال ..؟؟ جاوبتها .. انتي جسمك جسم باسكال .. بس الوجه الله خلق وفرق ..!! المهم اني ماقدرت اتحمل وجهها وقلت لها .. انتي جدك الاكبر كان غوريلا ..؟؟ قالت لي .. لا تطنز انت ووجهك .. انا اول كنت مصدقه ان الديناصورات انقرضت .. بس من يوم شفت وجهك عرفت ان هالكلام إشاعات ...!!! قلت لها .. شوفي ياآنسه جراده .. انا ودي اجاملك واقولك كلام حلو .. بس وجهك يقول مالك امل ..!! قالت لي .. والله حتى انا بعد ودي اقولك كلام حلو .. بس وجهك ما يساعد .. وجهك كنه دعاية لا للمخدرات ..!!
المهم .. ان كل واحد منا تفل في وجه الثاني ورحنا ... وانا من الصدمه توقف تفكيري .. كل آمالي واحلامي راحت ادراج الدواليب .... وركبت السياره .. ورجعت للبيت _وانا متحطم .. كنت متخيلها مثل مايا نصري ولا اليسا .. وطلعت مثل فطومه ... لا خلاص ماعاد ابي اتعرف على بنات ...(( تكفى آخر مره .. حرام تحطم قلوب المعجبات يا راغب علامه .. اقول انطم بس)) الوكاد .. اني سكرت باب الغرفه .. ونمت نومة عدوكم .. (( مسوي علوم رجال ..!!)) ومادريت اليوم الثاني الا بالي يرفس الباب .. وانا الي انقز من فراشي ... وش السالفه يالربع .. الا وهو ابوي يصايح .. افتح يالسمرمدي .. افتح لابارك الله فيك ... وانا الي افتح الباب .... الا وابوي في وجهي ووجه مايطمن .. ويطلع ذيك العجرا من وراه .. وانواع التلحيط .. واخواني وامي واقفين عند الباب يتفرجون الانذال ... من لقاها مصارعه على الطبيعه .... المهم .. ان ابوي شغال ضرب فيني ويقول تتزوج من ورانا يالخسيس .. قلت له .. والله ما تزوجت ... قال .. الا .. لان الشاليهات اتصلوا علينا وقالوا خلوا مصيول يجي ياخذ زوجته الي نساها
امس ... وانا الي تضيع علومي .. وابي افهم ابوي السالفه .. بس انه شغال ضرب فيني .. ماترك لي فرصه .. وبعد جهد جهيد قدرت انفك من ابوي .. ورحت لآخر الغرفه .. وياخذ ابوي نعال ويرميها علي ... وانا الي اوخر عنها بسرعه وامسكها بفمي ...(( متأثر بالأفلام ..!! )) واخواني يوم شافوني سويت هالحركه وهم الي يصفقون ويصفرون لي ... وانا الي اتحمس .. وانط على ابوي وامسكه مسكه منومه .. (( خربها الغبي مع ابوه..!!))
وينط واحد من اخواني ويمسك يد ابوي ويرفعها اول مره وطاحت ويرفعها ثانيه مره وطاحت .. ويرفعها ثالث مره وطاحت... لااا لااا لااا لااا غير معقول ... رفع ابوي يده وقام يأشر باصبعه يعني لا تراني مانمت ....!! ويوم شفته مانام .. وانا الي اقوم وامسك ارجوله .. واسوي له حركه مقصيه عشان يستسلم .. بس ما استسلم .. واخواني يقنعونه انه يستسلم بس هو عنيد يحاول يزحف عند الحبال .. بس انا ماخليته يتنفس ... وفجأه .. اوووه .. لا تدخل خارجي ... امي جابت المقلاة ومحطتني على جبهتي محطه مدويه ... وتدخلوا اخواني ومسكوا امي وطلعوها برا الحلبه .. ((عائله دلوخ )) المهم اني دخت وماعاد ادري وين انا وطحت مكاني .. ويزحف ابوي بشويش .. ويحط يده على صدري .. ويعدون اخواني .. واحد .. اثنين .. ثلاثه .... فاز ابوي هييييييييييييييييه ..((الحمد لله والشكر)) المهم اني فهمت ابوى السالفه ((ما اصلح في جريات ابد اعلم واكع على طول)) ونمر بيت ابو عبدوش ونعلمه وانواع التمحيط فيني المهم إنا وصلنا الشاليهات وقلت له معى لك مفاجأه وهو الي يضحك قال والله اني خابرك ذيب ما تترك خويك كذا الرجال ولا بلاشو وانا اقول في صدرى ايه هين وهو يقول اكيد بتعرفني على وحده من خواتها قلت ايه انا بعرفك على وحده صحيه 00 وهو يبي يشوف المفاجأه بيفصخ العباه قلت لها خلها عليك كذا احسن((انواع النذاله فيني)) وصلنا السياره .. الا وابو عبدوش ماسك مفك العجل في يده يحتري ولده ... وعبدوش من هول الصدمه ماعاد شالته رجليه .. طاح مكانه وقام يصيح ويولول ... واستلمه ابوه انواع تفقيع الوجه وانواالترفيع والتنزيل .... وانا جالس اتفرج ومبسوط .. ومادريت الا وابوي ماسكني وانواع الركب .. وانا الي اصيح فيه .. هيه يابو الشباب .. حلى هي ..!! توك طاقني قبل شوي ...!! قال ابوي ... ايه صحيح .. بس عيب الرجال يطق ولده وانا جالس اتفرج .. لازم اسوي شي انا بعد ...(( لا صراحه ان ابوي فاهم في الاصول .. طالع لي ..!! )) المهم .. عقب الطق الي كليته انا وعبدوش .. تزاعلنا مع بعض .. وانا حرمت اتعرف على بنات .. ومثل ماقال المثل .. ابعد عن الشر ياعمري وغني لوووووه .. ودان دان لدانه دان واويلوووه مشكلني حبك ياروح الروح مشكلني .. يالبيه يالبنات الي مع راشد في الفيديو كليب .. اروووووح طحينيه معاهم ... ((شكله ماتاب ناوي ينطق مره ثانيه ))
اهاه علمنو ضحكتوا ولا
ولا تنسوا الردواد::
مما راق لى
