فيني لقافه وشيطنه ومعهم جنان..

فيني لقافه وشيطنه ومعهم إجنان
وأحيان أحس مافيني من العقل ذرة

لامن نويت الدرب والله يافلان
أمشيه ولا أحسب لبراده وحره

فيني طناخة رأس وثورات بركان
ترقى بي لحدود الفلك والمجره

فيني حزن فيني قهر فيني أشجان
وأحيان أحس ماعندي أحساس مره

أحيان أحس أني عظيمه ولي شأن
آمر وأنهي وبنفسي حيل مغتره

أدور الصعبه لأجل أكسب رهان
أني لجمت الصعب وأصبحت أجره

ماهمني بالناس من قال أنا فلان
حره وعلى مبداي بعيش حره

مادام رأسي حي وينطق لي لسان
والله ليبقى بدرب الطيب لي جره

وتبي الصحيح زيادة الهرج نقصان
وكثر الحكي مافادنا والتشره

والله يالولا علي حلوف وأيمان
لا أحطها في كبد عدوي وأحره

آرق وآعذب تحيه

رااااائع يا كبير